ବିଶ୍ଵ ଦକ୍ଷତା କେନ୍ଦ୍ର

ବିଶ୍ଵ ଦକ୍ଷତା କେନ୍ଦ୍ର

ବିଶ୍ଵ ଦକ୍ଷତା କେନ୍ଦ୍ରର ନିର୍ମାଣ କାର୍ଯ୍ୟ ଏସିଆନ୍ ଡେଭଲପମେଣ୍ଟ ବ୍ୟାଙ୍କର ଋଣ ଏବଂ ଆଇଟିଇଇଏସ, ସିଙ୍ଗାପୁରର ବୈଷୟିକ ସହାୟତାରେ ଚାଲୁଛି। ଏହା ଆଇଟିଆଇ ଏବଂ ପଲିଟେକନିକ୍ ଛାତ୍ରଛାତ୍ରୀଙ୍କ ପାଇଁ ଶ୍ରେଷ୍ଠ ଉତ୍କର୍ଷ କେନ୍ଦ୍ର ଭାବେ କାର୍ଯ୍ୟ କରିବ। ୫ ମାର୍ଚ୍ଚ,୨୦୨୧ ରେ ଏହି କେନ୍ଦ୍ର ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟନାୟକଙ୍କ ଦ୍ଵାରା ଉଦ୍ଘାଟିତ ହୋଇଛି। ଏହି କେନ୍ଦ୍ରରେ ଆଗାମୀ ୫ବର୍ଷ ମଧ୍ୟରେ ୧,୫୧,୦୦୦ ଛାତ୍ରଛାତ୍ରୀଙ୍କୁ କୁଶଳୀ କରିବା ଲକ୍ଷ୍ୟ ରହିଛି।

ଦେଶର ପ୍ରଥମ ବିଶ୍ଵ ଦକ୍ଷତା କେନ୍ଦ୍ର ଭୁବନେଶ୍ବରରେ ଏକ ନବନିର୍ମିତ ୧୮ ମହଲା କୋଠାରେ ଆରମ୍ଭ ହେଇଛି। ବିଶ୍ଵ ଦକ୍ଷତା କେନ୍ଦ୍ର ପରି ଏ ପର୍ଯ୍ୟନ୍ତ ଦେଶରେ ଏମିତି କିଛି ହୋଇ ନାହିଁ, ଏହା ‘ସ୍କିଲ୍ଡ ଇନ ଓଡିଶାକୁ ’ ବିଶ୍ଵସ୍ତରୀୟ ବ୍ରାଣ୍ଡରେ ପରିଣତ କରିବ। ହେଲିପ୍ୟାଡ ସହିତ ୫ ଲକ୍ଷ ବର୍ଗ ଫୁଟ ଅଞ୍ଚଳରେ ପରିବ୍ୟାପ୍ତ ଅତ୍ୟାଧୁନିକ ଗ୍ଳାସ ଓ ଷ୍ଟିଲ ସୁବିଧା ସମ୍ପନ୍ନ ବିଶ୍ଵ ଦକ୍ଷତା କେନ୍ଦ୍ର ଉତ୍ପାଦନ ଓ ସେବା ଭଳି ଅଗ୍ରଣୀ କ୍ଷେତ୍ରରେ ଉନ୍ନତ ତାଲିମ ପ୍ରଦାନ କରିବ। ବିଶ୍ଵ ଦକ୍ଷତା କେନ୍ଦ୍ର ପ୍ରଶିକ୍ଷାର୍ଥୀଙ୍କୁ ଉତ୍ପାଦନ ଓ ସେବା କ୍ଷେତ୍ରରେ ଉନ୍ନତ କୌଶଳ ପ୍ରଶିକ୍ଷଣର ସୁଯୋଗ ପ୍ରଦାନ କରିବ। ଏଠାରେ ତାଲିମ ଗ୍ରହଣ କରିଥିବା ପ୍ରଶିକ୍ଷାର୍ଥୀଙ୍କୁ ଆନ୍ତର୍ଜାତୀୟ ଅଭିଜ୍ଞାତର ଲାଭ ମିଳିବ। ଏଠାରେ ଏକ ସ୍କିଲ ମ୍ୟୁଜିୟମ ଓ ଉନ୍ନତ ତାଲିମ ପାଇଁ ସବୁ ପ୍ରକାର ବ୍ୟବସ୍ଥା କରାଯିବ। ଆଇ.ଟି.ଇ ସିଙ୍ଗାପୁରକୁ ଏହାର ନଲେଜ ପାର୍ଟନର କରାଯାଇଛି।

ଗ୍ଲୋବାଲ୍ ଷ୍ଟାଣ୍ଡାର୍ଡର ଏକ ଫିନିସିଂ ସ୍କୁଲ୍ ହେବା ସହିତ, ବିଶ୍ଵ ଦକ୍ଷତା କେନ୍ଦ୍ର ଏକ ହବ୍ ଏବଂ ସ୍ପୋକ ମଡେଲରେ କାମ କରିବାକୁ ମଧ୍ୟ ଲକ୍ଷ୍ୟ ରଖିଛି | ସ୍କିଲିଂ ଇକୋ-ସିଷ୍ଟମରେ ପ୍ରଶିକ୍ଷକଙ୍କ ଦକ୍ଷତାକୁ ସମୃଦ୍ଧ ଏବଂ ନବୀକରଣ କରିବାକୁ ଏହା ଲକ୍ଷ୍ୟ ରଖିଛି | ପରବର୍ତ୍ତୀ ସମୟରେ ରାଜ୍ୟରେ ଚାଲୁଥିବା ଅନ୍ଯାନ୍ଯ ଦକ୍ଷତା ପ୍ରତିଷ୍ଠାନଗୁଡିକରେ ଏହି ପାଠ୍ୟକ୍ରମ ଗୁଡିକ ଆରମ୍ଭ କରିବାକୁ ମଧ୍ୟ ବିଶ୍ଵ ଦକ୍ଷତା କେନ୍ଦ୍ରର ଯୋଜନା ଅଛି।

୨୦୨୧- ୨୦୨୨ ରେ ବିଶ୍ଵ ଦକ୍ଷତା କେନ୍ଦ୍ର ୩ଟି ଉନ୍ନତ ଦକ୍ଷତା ପାଠ୍ୟକ୍ରମରେ ତାଲିମ ପ୍ରଦାନ କରିବା

  • ମେକାନିକାଲ ଓ ପ୍ରଦ୍ୟୋଗିକ ସେବା ପାଇଁ ସୁବିଧା
  • ଆବାସୀୟ ଓ ବାଣିଜ୍ୟିକ ଶୀତ ତାପ ନିୟନ୍ତ୍ରଣର ପ୍ରଦ୍ୟୋଗିକ ସେବା ସୁବିଧା
  • ମେକାଟ୍ରୋନିକ୍ସ

୨୦୨୧ – ୨୦୨୨ ବର୍ଷ ପାଇଁ ଉପରୋକ୍ତ ପ୍ରତ୍ୟେକ କାର୍ଯ୍ୟକ୍ରମ ପାଇଁ ୮୦ ଟି ସିଟ୍ ରଖାଯାଇଛି | ଯେଉଁ ଶିକ୍ଷାର୍ଥୀ ମାନେ ଦୁଇ ବର୍ଷ ଆଇଟିଆଇ କିମ୍ବା ତିନି ବର୍ଷ ଡିପ୍ଲୋମା ପାଠ୍ୟକ୍ରମ ପାସ କରିଛନ୍ତି ସେମାନେ ଏହି ପାଠ୍ୟକ୍ରମରେ ଯୋଗ ଦେବାକୁ ଯୋଗ୍ୟ ଏବଂ ଏହି ପାଠ୍ୟକ୍ରମ ସଂପୂର୍ଣ୍ଣ ଆବାସିକ ଅଟେ |

ଏହା କେବଳ ଯେ ବିଶ୍ଵ କୌଶଳ ମାନଚିତ୍ରରେ ଭୁବନେଶ୍ବରକୁ ସ୍ଵତନ୍ତ୍ର ସ୍ଥାନ ପ୍ରଦାନ କରିବ ତାହା ନୁହେଁ ବରଂ ଯୁବପିଢୀ ଓ ବିଶ୍ଵ ଅର୍ଥବ୍ୟବସ୍ଥାର ପ୍ରମୁଖ ଖେଳାଳି ମାନଙ୍କୁ ‘ସ୍କିଲ୍ଡ ଇନ ଓଡିଶା’ ବ୍ରାଣ୍ଡ ସହ ଯୋଡିବା ପାଇଁ ପ୍ରେରଣା ଯୋଗାଇବ।

ସ୍କିଲ ସିଟି ମଧ୍ୟରେ ବିଶ୍ଵ ଦକ୍ଷତା କେନ୍ଦ୍ର

world-skill-tower

କପି ସଂରକ୍ଷିତ ©2021 ଓଡ଼ିଶା ଦକ୍ଷତା ବିକାଶ ପ୍ରାଧିକରଣ । ସମସ୍ତ ସତ୍ତ୍ବ ସଂରକ୍ଷିତ

ପ୍ରଶ୍ନ ପଚାରନ୍ତୁ

ଆପଣଙ୍କ ପ୍ରଶ୍ନ ପଠାନ୍ତୁ